 |
21 Mehefin 2019
Gwella canlyniadau i blant
Diolch ichi am eich llythyr ar 16 Ebrill 2019 yn ymateb i’m cais am ragor o wybodaeth ynghylch y gwaith sydd ar y gweill i fodloni eich ymrwymiadau ar gyfer plant sy’n derbyn gofal.
Fel Pwyllgor, rydym yn cydnabod bod y ffrwd gwaith cyntaf o raglen Llywodraeth Cymru ar gyfer gwella canlyniadau i blant yn cyfeirio at leihau niferoedd y plant sy’n derbyn gofal mewn modd diogel. Serch hynny, rydym yn pryderu am y materion a godwyd â ni, gan gynnwys yr awgrym y bydd disgwyl i awdurdodau lleol osod targedau fel ffordd o ysgogi lleihad yn niferoedd y plant sydd angen gofal.
Er mwyn deall yn iawn beth yw’r sefyllfa ddiweddaraf, byddem yn ddiolchgar iawn pe gallech ddarparu rhagor o wybodaeth am ddisgwyliadau Llywodraeth Cymru o ran:
· sut y bydd nodau’r ffrwd gwaith a’r rhaglen ehangach yn gweithio’n ymarferol ar lefel genedlaethol ac ar lefel awdurdodau lleol;
· natur a nodau unrhyw dargedau a fydd yn cael eu cyflwyno;
· (os cyflwynir targedau), pwy fydd yn gyfrifol am eu gosod, cynnal asesiad risg ar eu cyfer, a monitro eu heffaith.
Byddaf yn ysgrifennu at Gymdeithas Cyfarwyddwyr
Gwasanaethau Cymdeithasol Cymru a Chomisiynydd Plant Cymru i ofyn
am wybodaeth ynghylch eu dealltwriaeth hwy o’r materion hyn.
Byddaf yn rhannu copi o’r holl ohebiaeth berthnasol
â’r Pwyllgor Cyfrifon Cyhoeddus yn rhinwedd
ei waith ar blant a phobl ifanc sy’n derbyn gofal, yn ogystal
â David Melding AC fel Cadeirydd y Grŵp Cynghori
Gweinidogol ar Wella Canlyniadau i Blant.
Yn gywir
Lynne Neagle AC
Cadeirydd
Cc Julie Morgan AC, Dirprwy Weinidog Iechyd a Gwasanaethau Cymdeithasol
Nick Ramsay AC, Cadeirydd y Pwyllgor Cyfrifon Cyhoeddus
David Melding AC, Cadeirydd y Grŵp Cynghori Gweinidogol ar Wella Canlyniadau i Blant